悬挂色牌
归到书窗轻坐下，孤灯挑尽不成眠。转想先间娇两个，呼卢掷色在香帘。哄人成夜花间企，万恨千愁未易言。因把串花名与字，数来闲度夜如年。第一恨点最愁人不到，所以平步唔能得上天，刻漏听残更上鼓，做乜银畀围娇竟不前？只望佢似双龙来出海，我就锦裙拦住佢头先。绕屋共娇行入去，就似无数蜻蜓任我拈。解下大红双结带，二姑教佢把蚕眠。哩下巫山十二知何处，空系落花红满小阶前。
记得春分昼夜那时节，曾同二士入桃源，隔子眼将娇睇见，好似九溪十八洞中仙。剑行十道回家后，只话鱼游春水寄云笺，共娇做个鸳鸯配。闲学双飞燕入帘。唔想缘里正愁人不识，密静音书未易传，扭碎梅花心亦碎，望穷只雁怨霞天。细想二郎五岳都朝遍，做乜我就索系孤舟撑不前？因此就为秃爪龙行去，临老花丛去遇仙。桃红柳绿撩情处，只话雁衔珠到佢香帘，谁想群鸦噪凤将人困，愁来似火炼丹田。
此际如同折足雁，纵有大红朱嘴亦难言。玉洞桃花唔得折，空系血泪频飞红映天。感谢寒鹊争梅逢驿使，弄得个正马将军替我传。因此娇就哄人鳅入菱窝里，叫我苏秦背剑到花边。踏梯望月将墙跳，等佢金串花开与我言。
此时细展乌龙眼，只话睇我龙虎风云就到边。唔想观灯十五成虚约，梅梢月落总唔圆。绿暗红稀人不见，空系头担五岳懵朝天。我想一岁之中二十四气，回头十月小春前。
又怕火烧梅易成枯槁，老去翻成公领孙。古道贪花不满年三十，有几十八青春学士年。春事若过三十六，只怕六宫粉黛不如前。若系樱桃九熟当时候，五龙该就吐珠传。有乜在世不同人处世，就畀三纲共起五常捐。哩下点能金菊芙蓉对？我就侧插花枝到佢边。就揩一把七星剑，劈破莲蓬免挂牵，共娇来弄孩儿手，尚要佢们俱占五经先。天地此时交泰了，将军挂印就团圆。